Никола Ѓорѓиев како вистински лидер и спортсмен на одбојкарска репрезентација на Македонија. Капитенот беше оптимистички расположен пред Фајналфор турнирот во Европската лига во Данска и доблесно самокритичен по поразот во финалето од Украина. Наместо забелешки кон судии или барање алиби во немање на спортска среќа и други фактори како што често знае да биде случај со македонските екипи и национални тимови, Ѓорѓиев се фокусира на сопственото двориште и призна дека „црвено-жолтите“ во мечот за титулата не беа на ниво од групната фаза.
„Ментално, не бевме доволно подготвени да го играме ова финале. Трета година во низа ние сме втори во натпреварувањето и морам да признам дека напредувавме доволно за освојување наа злато. Честитки до Украина за победата“, изјави Ѓорѓиев по поразот на Македонија во Гентофте.
Ѓорѓиев се најде во идеалниот тим на завршниот турнир во Европската лига. Но, не е само во најдобрата седумка од таборот на „црвено-црните“. Друштво во одбраните има од Ѓоко Јосифов како еден од двајцата најдобри средни блокери. Тројца претставници има од Украина и по еден од Данска и од Шведска.
„Црвено-жолтите“ го загубија третото финале во четвртото учество на завршните турнири во Европската лига. Црна Гора беше подобра од нив во полуфиналниот двомеч во 2014 година благодарение на златен сет (15:10), откако двете репрезентации забележаа идентични победи по 3:1 на домашен терен. Наредната сезона во финалето на Фајналфорот во Валбжих, Полска, загубија од Словенија со 0:3 (по сетови: 21:25, 20:25, 17:25), а лани во Варна беа поразени и од Естонија со 0:3 (по сетови: 19:25, 13:25, 23:25)