Црвена звезда чекаше 27 години на учеството во групната фаза во Лигата на шампиони, а вечерва во Белград го дочека и првиот голем скалп. „Црвено-белите“ приредија сензација со триумфот над Ливерпул со 2:0 во групата Ц и се вратија во игра за меѓународна пролет преку Лига Европа во најмала рака, но сега се конкурентни и за опстанок во елитното клупско натпреварување на УЕФА.
https://www.youtube.com/watch?v=pDjT25w8pOQ
Јунак на белграѓани на стадионот „Рајко Митиќ“ беше Милан Павков. Робусниот напаѓач на европскиот и светски првак од 1991 година двапати успеа да го совлада Алисон Бекер за само седум минути (22’ и 29’) за големо славје во српската престолнина. Премиерлигашот имаше неколку прилики во последните 20. минути, но Милан Борјан едноставно беше несовладлив меѓу стативите.
https://www.youtube.com/watch?v=2gYLKzEIJZ4
Дека Монако е во длабока криза покажа и вечерва против Бриж во Лигата на шампиони. Белгискиот состав славеше со 4:0 на „Луј Втори“ за дополнително растресување на клупата на „кнезовите“ на која од неодамна седи Тиери Анри.