Грција на 1 јули ќе отвори два гранични премина, по еден кон Македонија и Албанија, јавува дописничката на МИА од Атина, повикувајќи се на пост на Фејсбук на грчката општина Преспа, Панајотис Пасхалидис.
– Важна вест: Веродостојни информации дека од 1 јули одново и регуларно ќе почнат да работат граничните премини Кристалопиги и Ники, напиша Пасхалидис на Фејсбук.
И од двете страни на границата, и од Македонија и од Грција, локалното население, но и бизнисмените во изминатиот период бараа да се отвори граничниот премин Ники (Меџитлија). Од граничните премини меѓу Македонија и Грција, од грчка страна е отворен само преминот Евзони (Богородица).
Последната министерска одлука за граничните премини и предусловите за влез во Грција беше објавена во петокот и ќе биде во сила до 26 јуни 2021 година.