Владата нема да го даде на увид на јавноста овој договор за изградба на коридорите 8 и 10Д бидејќи, како што кажа првиот вицепремиер Груби денеска на брифинг со новинарите, тој е доверлив и ова не е прв ваков договор потпишан во Македонија.
Министерот за економија Крешник Бектеши појасни дека ваквите договори се тајни бидејќи сите фирми кои што фигурираат на свтските берзи имаат свои деловни тајни според кои работат, а објавувањето на овој договор, според него би можело да влијае врз движењето на акциите на берзите.
Денес на брифинг со новинарите беа објаснети спорните прашања од осумте договори за кои во јавноста се покренаа дилеми.
Груби тврди дека доколку се изгласаат измените на законите кои се однесуваат на изградбата на автопатите, таа ќе трае пократко и ќе чини помалку а во спротивно ќе чини повеќе и ќе се гради подолг период.
За бројни реакции од синдикатите и политичките партии за барањето да се изгласа 60 часовна работна недела за работниците кои ќе ги градат автопатите, иако таквото решение е противуставно, Груби одговори дека секаде има исклучоци а доколку нема доволно работна сила, таа ќе се увезува од странство и никој нема да ги тера нашите работници да работат со сила.
Ковачевски: Лага е сè што кажува Николоски за договорот со „Бехтел и Енка“