Претседателот на ВМРО ДПМНЕ Никола Груевски во интервју за Алсат М на прашањето дали е подготвен да си поднесе оставка од челната позиција во партијата доколу партијата ги изгуби изборите, кусо одговори: “Претседателот на партијата ја носи најголемата одоворност”.
Во емисијата „200“ тој рече дека сега кога се во опозиција имаат време да си ги осознаат пропустите и слабостите и да ги поправат.
Тој и натаму инсистираа дека во нивното 11 годишно владеење преовладувале добрите работи што ги направиле, иако како што рече „сигурно направиле и некоја грешка“.
– Размислувавме за се што се случувало во минатото, каде биле нашите слабости, каде биле нашите предности и се фокусиравме на иднината, на она што треба да се направи за и понатаму да се подобрува животот на граѓаните, да се големува животниот стандард, и да се решаваат нивните проблеми, а државата да оди напред и да тане членка на НАТО и ЕУ, рече Груевски.
Тој не го променил ставот ниту за тнр.бомби што ги објави опозицијата и повторно укажуваше дека се дело на странски служби, истовремено негирајќи ја нивната содржина како „средство за уривање на кредибилитетот на ВМРО-ДПМНЕ, преку креирани, честопати сечени материјали, со коишто требаше да се прикаже друго лице на партијата и на раководството“.
-Подоцна се виде дека и однатре, поединци во МВР, раководени од лица, поранешни функционери на СДСМ, работеле на незаконско снимање на материјалите, што подоцна се искористи во правец на декредибилизирање и уривање на ВМРО-ДПМНЕ. Имаше очевидни докази – скајп коуникација која излезе во јавноста, имаше признанија на поединци пред Обвинителството. Тоа се непобитни факти, рече Груевски.
Во врска со актуелното прашање за измените во законот за употреба на јазиците, Груевски рече дека ВМРО-ДПМНЕ нема ништо против употребата на јазиците на сите етнички заендици во Mакедoнијa вклучувајќи ја и албанската етничка заедница.
Тој посочи дека во 2008 во времето на Владата на ВМРО ДПМНЕ за првпат се донесе Законот за употреба на јазиците, но дека сега се залагаат е „да не се случи да се донесе закон кој што што ќе биде против уставен и кој подоцна може да се случи да падне на Уставен суд“.
Грижата на неговата влада за албанското население тој ја опиша со тоа што „вложиле 400 милиони евра за автопати каде доминантно население се Албанците“.
На новинарско прашање како реагира на изјавите на Гордана Јанкулоска која Албанците ги викаше Индијанци, Груевски рече:
-Не знам дали ги нарекувала така, станува збор за креирани материјали, но не знаме како СДСМ ги нарекува. Станува збор за креирани материјали. Ги осудувам сите навреди кон било кои луѓе, ако има навреди кон Албанците ги осудувам тие навреди, рече Груевски.