Лидерот на владејачката партија ВМРО-ДПМНЕ, Никола Груевски и опозицискиот лидер Зоран Заев во интервјуа за француската агенција АФП со целосно спротивставени ставови во однос на одржувањето на избори на 5. јуни.
Според Груевски, без оглед на најавениот бојкот, избори на 5 јуни ќе има.
Во многу непријатна ситуација сме, вели Груевски во интервјуто, посочувајќи дека ВМРО ДПМНЕ е единствени од четирите големи партии кои ќе учествуваат на изборите. Интервјуто е водено во седиштето на неговата партија во Скопје, во петокот, на само неколку часа по заминувањето на специјалниот пратеник од Германија.
Инаку Груевски, кој поднесе оставка на функцијата пред половина година по десет години период во кој беше премиер, најавува дека по изборите на 5 јуни експресно ќе свика уште едни избори „за да им даде шанса на граѓаните да бираат“.
Од друга страна пак, Зоран Заев исто така во интервју за АФП изјави дека е убеден дека изборите закажани за 5 јуни нема да може да се одржат, но и дека македонскиот парламент ќе се состане набрзо.
Тој вели дека изборите треба да се одложат додека не се создадат услови за фер и слободни избори, што со исполнување на условите би можело да биде на есен.
„Парламентот се самораспушти минатиот месец со цел да направи пат за изборите кои се дел од Пржинскиот договор со цел да се прекине политичката криза, но СДСМ и две други клучни партии одбија да поднесат кандидатски листи“, пишува француската агенција АФП.
„Знам дека нема да има избори на 5 јуни. Сите знаеме дека изборите ќе бидат одложени“, вели заев за француската агенција.
Заев вели дека очекувал сите политички партии уште минатата недела да го повикаат претседателот на парламентот да најави состанување на парламентот, што според него дозволуваат и законите во Македонија. Тој истакна дека Државната изборна комисија исто така најави дека не може да има фер и демократски избори.