Лидерот на ВМРО ДПМНЕ Никола Груевски на прес конференцијата вечерва рече дека неговата партија не ги признава резултатите од локалните избори и ја обвини власта дека организирала како што рече „мафијашки избори“.
Во име на партијата Груевски упати седум барања до власта, за како што рече враќање на демократијата и достоинството во земјата:
-Организирање предвремени парламентарни избори согласно пржинскиот модел, кои ќе бидат спроведени од техничка влада како и парламентарните избори од 11 декември 2016;
-Итна смена на директорот на Агенцијата за ауди и аудивизуелни медиумски услуги и именување на директор од редовите на опозицијата;
-Оставка на претседателот на ДИК Александар Чичаковски и враќање на старото законско решение од редовите на опозицијата;
-Итна истрага и вештачење на уредите за прилсушување во УБК поради сомнеж дека се прислушуваат најмалку 100 лица од ВМРО ДПМНЕ;
-Итно завршување на судењето на Заев за поткуп;
-Основање на специјално јавно обвинителство кое ќе има ингеренции за расчитување на избрните нерегуларности во 2016 и 2017 поради злоупотреба на целиот државен апарат;
-Итно ослободување на лицата и прекин на постапките за сите обвинети и осомничени за настаните од 27 април.
На овие избори, според Груевски, ВМРО-ДПМНЕ се соочила со двоен противник: СДСМ, како традиционачлен и легитимен политички противник, и полицијата, која била ангажирана за партиски цели и интереси на СДСМ.
Во неправилностите што ги наброја се индиции за поткуп на гласачи, партиско агитирање, притисоци, закани и уцени од униформирани и неунифирмирани лица, физичка пресметка, информации за организиран бугарски воз односно ставање однапред заокружени ливчиња.