Нови 70.000 работни места во Македонија и намалување на невработеноста помеѓу 17 и 18 отсто, им вети лидерот на ВМРО-ДПМНЕ, Никола Груевски на велешани на денешниот митинг.
– Пензиите и платите во јавниот сектор ќе пораснат за 10,25 отсто, социјалната помош во 4-годишниот период ќе порасне за 50 отсто, а минималнита плата до 14.000 денари, во делот на кожарската и текстилната до 13.500 денари до 2020, рече Груевски.
Тој во својот говор потенцираше и дека ќе се завршат започнатите градби на три автопати, но и дека ќе започнат градби на три нови автопати во Македонија, како што вели тој, од Гостивар до Кичево, од Скопје до Блаце и од Требениште до Струга.
За земјоделците Груевски вети 600 милиони евра, воведување на професионален земјоделски советник, како и други проекти за кои рече дека ќе бидат од помош за земјоделството.