Гугл ќе му плати 100 милиони долари на „Њујорк Тајмс“ за објавување содржина, пишува „Вол Стрит Џурнал“

Google ќе му плати на угледниот американски дневен весник „Њујорк Тајмс“ околу 100 милиони долари во следните три години за објавување содржина, објави „Вол Стрит Џурнал“.

Договорот предвидува вклучување на „Њујорк Тајмс“ во Google News Showcase, производ кој на издавачите им обезбедува наплата на содржината објавена на Гугл Њуз и другите платформи на Гугл, објави „Вол Стрит Џурнал“, цитирајќи упатени извори.

Продолжувањето на договорот со Гугл, кој вклучува дистрибуција на содржина и претплата, „Њујорк тајмс“ го најави во февруари.