Најмалку 46 луѓе ги загубија животите во поплавите на североисток во САД, по што американскиот претседaтел Џо Бајден прогласи вонредна состојба во сојузните држави Њујорк и Њу Џерси.
Најмалку 23 лица загинаа во Њу Џерси, изјави гувернерот на таа американска сојузна држава, Фил Марфи, додека, според полициски извори, најмалку 13 жртви има во Њујорк. Пријави за загинати лица има и во Пенсилванија, во Конектикат и во Мериленд.
Синоќа не знаевме дека небото буквално ќе се отвори и ќе предизвика ниво на вода како на Нијагарините водопади на улиците во Њујорк, рече гувернерката на Њујорк, Кејти Хочул.
Националниот центар за урагани во вторникот предупреди за потенцијално „значајни и опасни по живот поплави“ и големи поплави во централен Атлантик и Нова Англија.