Европското движење во Србија ги известува сите кои го следат порталот „Окружење“ (платформата на Европскиот фонд за Балканот и Европското движење во Србија) дека веб-страницата е под постојани хакерски напади во последниот месец.
„Верувавме дека веб-страницата не е избрана намерно, туку случајно, но бидејќи и покрај сите преземени мерки и редовно одржување на страницата, овие напади се повторуваат во континуитет, се говори во прилог на основаното сомневање дека нашиот порталот е нечија мета“, се вели во соопштението.
Како што посочуваат, „Окружење“ е единствен портал од ваков вид, каде секоја недела се објавуваат текстови од автори од сите земји од Западен Балкан, каде без цензура се искажуваат различни ставови за исти теми.
„Од самиот почеток сите автори ги изнесуваат своите ставови цивилизирано, без да ги навредуваат другите. Сметаме дека „Окружење” е редок пример за посакуван начин на дијалог и промотор на култура на дијалог, која, за жал, речиси и да ја нема во овие региони, но и простор за слободно изразување на ставовите, без разлика на дали се во договор со владејачките партии во некоја од овие земји“, велат од Европското движење во Србија.
Во соопштението се вели и дека пред година и пол трајно беше укинат Твитер профилот на овој веб сајт , без шанси да се врати.
„Тој и овој настан очигледно не се случајни, но како што рековме тогаш, ниту ќе не исплаши, ниту ќе нѐ натера да застанеме. Ќе продолжиме да ги промовираме сите вредности во кои веруваме, ваквите „испади“ да останат во малцинство и граѓаните од регионот да не останат заложници на дневно-политичките калкулации кои не оддалечуваат не само кон членство во ЕУ, туку и од вредностите без кои е невозможно да се замисли едно демократско општество, се вели во соопштението.