Луис Хамилтон ја расипа планираната забава на Ферари во Монца. Британскиот пилот во болидот на Мерцедес триумфира во трката за Големата награда на Италија, а по настапот изрази огромно задоволство од перформансот и од крајниот епилог на теренот на кој се радуваше по петти пат колку и Михаел Шумахер. До 68. победа во кариерата стигна за 1:16:54,484 часа и порача дека негативните работи бил решен да ги претвори во позитивни во што и успеа. Притоа мислеше на свирежите и непријателството, амбиент во кој беше дочекан од домашните навивачи.
„Сакам да доаѓам во Италија, ја сакам храната. Патеката е неверојатна и ќест е да се победи тука пред така фантастична публика. Беше тешко, но успеав. Иако не е добра таа негативност и свирежи од трибините, сепак, го прифаќам тоа. Ме мотивираше, ме повлече“, рече Британецот по 68. победа во кариерата со која ја зголеми предноста во генералниот пласман на 30 бода во однос на Себастијан Фетел.
Второто место во трката за ГН на Италија го освои Кими Раиконен (+8.705 секунди), како трет на подиумот се искачи и неговиот сонародник и клупски колега на Хамилтон, Валтери Ботас.
„Ја имавме потребната брзина, но нашите задни пневматици не издржаа што беше причина за губење на трката. Се обидов, но невозможно беше и далеку од идеално и покрај вложениот максимум“, рече Раиконен.
Задоволство и од Ботас по трката во Монца. Финецот помалку среќно стигна до третото место. откако Макс Ферстапен доби казна од пет секунди по дуелот во кој го исфрли од патеката.
„Дадов максимум да бидам дел од победничкиот подиум. Прва задача беше да го задржам Кими, а потоа и да водам борба со Макс. Трка беше жестока, но не секогаш е коректно како што сакам да биде, па Ферстапен доби казна. Остваривме добар резултат како екипа и освоиме повеќе бодови од Ферари во неговиот дом“, истакна Ботас.
Наредна дестинација во Формула 1 шампионатот е трка за Големата награда на Сингапур на 16 септември.
Резултати од трката за ГН на Италија
Луис Хамилтон (Мерцедес/В. Британија) 1:16:54,484 часа
Кими Раиконен (Ферари/Финска) + 8.705 сек.
Валтери Ботас (Мерцедес/Финска) + 14.066 сек.
Себастијан Фетел (Ферари/Германија) + 16.151 сек.
Макс Ферстапен (Ред Бул/Холандија) + 18.208 сек.
Естебан Окон (Форс Индија/Франција) + 57.761 сек.
Серхио Перез (Форс Индија/Мексико) + 58.678 сек.
Карлос Сајнц Јр. (Рено/Шпанија) + 78.140 сек.
Ленс Строл (Вилијамс Мерцедес/Канада) + 1 круг
Сергеј Сироткин (Вилијамс Мерцедес) + 1 круг, итн.
Генерален пласман кај возачи
Луис Хамилтон (Мерцедес/В. Британија) 256 бода
Себастијан Фетел (Ферари/Германија) 226
Кими Раиконен (Ферари/Финска) 164
Валтери Ботас (Мерцедес/Финска) 159
Макс Ферстапен (Ред Бул/Холандија) 130
Даниел Рикардо (Ред Бул/Австралија) 118
Нико Хулкенберг (Рено/Германија) 52
Кевин Магнусен (Хас Ферари/Данска) 49
Серхио Перез (Форс Индија/Мексико) 46
Естебан Окон (Форс Индија/Франција) 45, итн.
Генерален пласман кај конструктори
Мерцедес 415 бода
Ферари 390
Ред Бул 248
Хас Ферари 84
Рено 84
Мекларен Рено 52
Скудерија Торо Росо Хонда 30
Форс Индија Мерцедес 28
Заубер Ферари 19
Вилијамс Мерцедес 5