Еврокомесарот за проширување и соседска политика Јоханес Хан вечерва преку својот профил на Твитер го поздрави постигнатиот договор меѓу четирите партии – потписнички на Пржино.
„Добри вести и од БЈРМ: Политичките партии постигнаа договор за отворените прашања во разговорите за Договорот од Пржино. Тоа е важен чекор за да се стави крај на политичката криза. Сега треба импулс за да се сочува договореното. Целосна имплементација на реформите е клучот за одржлив напредок“, пишува Хан.
Good news also from the form.Yug. Republic of #Macedonia:Political parties reach #agreement on open issues in talks on #Przino agreement 1/2
— Johannes Hahn (@JHahnEU) July 20, 2016
Important step tow. ending the political crisis. Now momentum to be kept: full #implementation of reforms is key f. sustainable progress 2/2
— Johannes Hahn (@JHahnEU) July 20, 2016
Четирите партии, ВМРО-ДПМНЕ, СДСМ, ДПА и ДУИ по повеќедневни средби денеска се договорија техничката влада да биде формирана 100 дена пред одржувањето на изборите.
Следната средба на партиите да се одржи до 31 август и тогаш да направат проценка на имплементацијата на Договорот и да закажат датум за избори.
Законските решенија донесени од страна на ВМРО-ДПМНЕ и ДУИ кои се однесуваат на министерството за внатрешни работи и ингиренциите на министерот се суспендираат до 1. јануари 2017 година.
Од деновите од објавувањето на резултатите од изборите, до формирање на новата Влада, министерската функција во МВР за првпат во историјата ќе ја извршува Албанец од редовите на ДУИ.