На скалата новозаразени во Европската Унија, Хрватска е позиционирана на 11 место. Најмал број имаат Полска и Унгарија а највисок број на заразени има во Франција и во Ирска. Стапката на смртност во Хрватска на милион жители е 2.049,2 и е на дваесеттото место во Европската Унија.
Министерот за здравство, Вили Берош вели со овие параметри Хрватска е сеуште безбедна земја, но и дека може многу брзо да се „ излизне“ од оваа патека.
– Имам обврска како министер да укажувам на она што е важно за зачувување на здравјето. Од 16-24 август бројот на новозаразени е 3.216, од нив 86 проценти не се вакцинирани. Од хоспитализирантите, 76 отсто се невакцинирани. Сите хоспитализирани во болниците во Шибеник, Дубрава и во болниците за белодробни заболувања се 100% невакцинирани.Зарем ова не зборува доволно за ефектот на вакцината, изјавил на прес конференција хрватскиот министер за здравство Берош, пренесува весникот „Слободна Далмација“.
Хрватските детски инфектолози, излегоа со оценка, дека делта сојот е поопасна варијанта од сите досегашни мутации на корона вирусот.Се повеќе од заразените деца завршуваат на респиратор, велат тие.
Неодамна американската академија на педијатри извести дека бројот на заразени деца и тинејџери кои се заразиле во САД е зголемен а клиничките симптоми на болеста се поизразени.