Уште еден близок и соработник на американскиот претседател Доналд Трамп поднесе оставка. Станува збор за Хоуп Хикс, директор за комуникации во Белата куќа, која беше со Трамп уште од почетокот на неговата претседателска кампања.
До ова доаѓа еден ден откако Хикс сведочеше пред Комитетот за разузнавање на Претставничкиот дом, во врска со истрагата за руското мешање на претседателските избори во 2016 година.
Весникот „Њујорк тајмс“ објави дека за време на сведочењето таа признала оти понекогаш кажувала „бели лаги“ за претседателот.
Некои од конгресмените кои присуствуваа на сослушувањето изјавија дека Хикс, која му беше портпаролка на Трамп за време на изборната кампања, одбила да одговори на прашања за своето време во Белата куќа.
Портпаролката на Белата куќа, Сара Сандерс изјави дека одлуката на Хикс да замине не била поврзана со нејзиното сослушување пред Комисијата на Конгресот.
Поранешната моделка Хикс беше четврти директор за комуникации во Белата куќа. Таа позицијата ја презеде од Ентони Скарамучи, а претходно таму беа Шон Спајсер и Мајк Дубке.
Хикс вообичаено беше лице зад сцената, но неодамна таа и началникот на Генералштабот Џон Кели беа критикувани за нивното справување со обвиненијата за семејна злоупотреба против секретарот на персоналот во Белата куќа Роб Потер, со кога таа наводно имала врска.
Портер конечно беше принуден да поднесе оставка.