Романците се подготвуваат на петти ден протести против владата. Илјадници Романци ќе маршираат кон Парламентот. Романците не сакаат да и дозволат на владата на ја примени наредбата која им одговара на голем број политичари осомничени за малверзации.
На протестите Романците излегуваат со вувузели и романски знамиња и ќе одат кон Парламентот, огромната палата што ја изгради поранешниот комунистички диктатор Николае Чаушеску.
Ова е најголемата административна зграда во светот и денес се очекува повторно да излезат дестици илјади луѓе за да го кренат гласот против наредбата, донесена во вторникот од социјалистичката влада, која го «омекнува» антикорупциското законодавство.
Толку голем бран протести не е забележан уште од падот на комунизмот пред 27 години. Во петокот вечерта 100.000 луѓе беа собрани во Букурешт и ја пееја химната “Разбудете се Романци” а уште 100.000 луѓе протестираа во другите градови.
Владата вели дека нема да отстапи од наредбата и тврди дека “сака да оди напред” со кривичната реформа.
Претседателот на Романија, Клаус Јоханис, го одобрува бранот протести. На враќање на Малта каде што учествуваше на самитот на ЕУ, тој изјави дека европските лидери се загрижени поради ситуацијата во земјата.
Романскиот претседател им дава поддршка на демонстрантите.
“Зборував со многу од присутните. Неколку луѓе ме замолија да објаснам што се случува во Романија. Сите тие се заинтересирани и загрижени од настаните во земјата и изразија надеж дека Романија ќе продолжи со почитување на законите”, рече претседателот.
Наредбата на владата, доколу се примени, ќе овозможи ослобдување од затвор на сите осудени во случаи на корупција кои не надминуваат сума од 44.000 евра.
Истовремено, ќе му овозможи на лидерот на социјалистите Ливиу Драгнеа да избегне затвор иако се осомничен за фиктивни вработувања и изборна манипулација. Тој сакаше да стане премиер по изборите кои се одржаа на 4 декември. Но токму поради случаите на корупција во кои е осомничен мораше да се откаже од оваа функција.