Инспекторите на Организацијата за забрана на хемиско оружје (ОПЦВ) посетија и другата локација во сирискиот град Дума.

Тие земаа примероци, со што треба да утврдат дали на тоа место се случил напад до хемиско оружје на почетокот на април.

Организацијата соопшти дека примероците ќе ги испрати во нејзината лабораторија во Холандија, заедно со претходните.

Мисијата на ОПЦВ првпат ја посети Дума изминатиот викенд, бидејќи доаѓањето на инспекторите беше повеќепати одложувано од безбедносни причини.

ОПЦВ има мандат да утврди дали е употребено хемиско оружје, но не и да определи кој е одговорен за неговата употреба.