Јужнокореецот Ким Јонг Јанг е избран за претседател на Интерпол на Генераллното собраниое на оваа меѓународна организација што се одржува во Дубаи.
Тој го победи рускиот полициски генерал Александар Прокопчук, кој се сметаше за фаворит, но кој исто така предизвика жестоки реакции во САД, Британија, но и меѓу експертите во Русија, чии аргументи беа дека не може на чело на ваква организација да биде човек од држава „со историја на кршење на правилата на Интерпол да добие улога во раководството на клучната институција за надзор“.
Ким е избран по глсањето на околу 1.000 високи претставници на полициите од целиот свет. Тој ќе биде претседател до 2020 година, кога треба да заврпи мандатот на неговиот претходник Менг Хонгвеи, кој во октомври мистериозно исчезна по патување во родната Кина. За ова постојат контроверзни информации, од кои едните се дека тој е уапсен.
Неговата сопруга Грејс Менг алармирање 10 дена откако тој заминал во Кина, при што укажа дека добила закани преку социјални мрежи и телефон.
Кинеските власти подоцна објавија дека Менг е уапсен за истрага за наводната корупција. Менг, кој исто така беше заменик министер за јавна безбедност во Кина, е обвинет за примање мито и други кривични дела.