Шефот на разузнавачката служба на Иранската револуционерна гарда (ИРГЦ), Мохамед Каземи, беше убиен денеска во израелски напади, јавуваат светските медиуми, а пренесу и скопската ТВ 21.
Како што објави полуофицијалната иранска новинска агенција Тасним, шефот на разузнавачката служба на Иранската револуционерна гарда, неговиот заменик Хасан Мохакек и командантот Мохсен Бакери беа убиени во израелски напади.
Во интервју објавено претходно во неделата, израелскиот премиер Бенјамин Нетанјаху му рече на водителот на „Фокс њуз“, Брет Бајер:
Можам да ви кажам дека ги елиминиравме нивниот главен разузнавач и неговиот заменик во Техеран.
Според најновите информации, бројот на смртни случаи во Иран нагло се зголеми и сега изнесува 224. Тоа е речиси стотина повеќе од 128-те смртни случаи што се официјално потврдени досега.
Податоците ги објави и иранското Министерство за здравство.
Share