Ирански медиуми јавуваат за експлозија во покраината Бушер, каде што се наоѓа нуклеарен реактор

Иранските медиуми јавија дека „се слушналe огромни експлозии“ попладнево во покраината Бушер, каде што се наоѓа единствената нуклеарна централа во Иран, неколку часа откако САД бомбардираа нуклеарни објекти низ целата земја.

Весникот „Шарг“ објави за експлозијата, додека новинската агенција „Фарс“ објави дека две локации во градот биле нападнати од Израел.

Иранските новински агенции, исто така,бјавија за напади во покраината Јазд.

Нуклеарното надзорно тело на ОН предупреди еден ден претходно дека удар врз нуклеарната централа во Бушер може да предизвика „многу високо ослободување на радиоактивност“. Со НЕ во Бушер раководат ирански и руски експерти.