Иранскиот режисер Асгар Фархади, кој за драмата „Развод“ е награден со признание од Американската филмска академија за најдобар странски филм, нема да присуствува на церемонијата на доделување на 26. Оскари во Лос Анџелес, поради најновата забрана за издавање на визи која ја потпиша претседателот на САД, Доналд Трамп.
Последниот филм на Фархади „Трговски патник“, премиерно е прикажан на Канскиот фестивал во мај минатата година, номиниран е за Оскар во категорија најдобар филм надвор од англиско говорно подрачје, како претставник на Иран.
Фархади во изјава за иранските медиуми изјави дека првично планирал да присуствува на церемонијата во Лос Анџелес, но како што рече, бил приморан да ја смени одлуката поради неизвесноста околу издавање на визи.
Трамп во петокот со декрет на 90 дена забрани издавање на визи за влез во САД на државјани на седум земји. Станува збор за Иран, Ирак, Судан, Либија, Јемен, Сомалија и Сирија, со тоа што влезот на сириски државјани им е забранет на неодредено време.