Иранскиот претседател Масуд Пезешкијан денес изјави дека Иран силно ќе одговори на нападите на Израел и дека легитимно ќе го брани интегритетот на земјата. Во своето обраќање до нацијата, тој рече дека израелскиот напад бил брутален чин што го крши меѓународното право и ја потврди „криминалната природа“ на израелскиот режим. Пезешкијан потврди дека голем број деца и жени, воени команданти и нуклеарни научници биле убиени во израелскиот напад врз Техеран и други градови низ земјата, објави иранската новинска агенција ИРНА.
Секако, иранскиот народ и функционерите нема да молчат пред ова злосторство, а легитимниот и силен одговор на Исламската Република Иран ќе го натера непријателот да се покае за својата глупава акција, рече Пезешкијан.
Тој нагласи дека Иран ќе дејствува решително како одговор на агресијата и легитимно ќе го брани интегритетот на земјата. Тој ги повика луѓето да го зачуваат единството, интегритетот и емпатијата, како и да не обрнуваат внимание на, како што изјави, „гласините и лажните вести“ што Израел ќе ги шири како дел од психолошката војна.
Пезешкијан рече дека иранските власти ќе се погрижат да нема нарушувања во секојдневниот живот и дека на иранскиот народ му се потребни „заедница, доверба, емпатија, единство и консензус“ повеќе од кога било.