Published: Monday, September 25, 2017 11:37
Во провинциите во Курдистан во кои и Багдад и курдските власти тврдат дека се надлежни, утрово започна референдум за независност.
Според очекувањата, милиони луѓе треба да гласаат на референдумот кој е значаен за историјата на териториите но не е и обврзувачки.
Според Багдад и САД, овој референдум може да го дестабилизира регионот во борбата против Исламската држава.
Багдад бара контролата над аеродромите и граничните премини да се вратат под надлежност на федералните власти.
Курдите се доминантно население на југоисточниот дел од Турција, северна Сирија, северен Ирак и северозападен Иран. Сите овие области го сочинуваат Курдистан.
Досега само ирачкиот дел од Курдистан има прогласено автономија.