Претседателот Ѓорѓе Иванов во колективната аболиција на 56 лица, со која беа опфатени и обвинителите на Специјалното обвинителство, помилувал погрешна личност.
Наместо обвинителката Фатиме Фетаи која е од Тетово, Иванов на списокот на помилувани ставил личност со исто име и презиме, но од Гостивар.
Во писмото, кое обвинителката го испрати до Иванов, се вели Иванов направил целосна рашомонијада, со која тотално е избишан правниот систем во земјава.
„Само да Ви посочам дека во изведбата на најсрамниот чин во историјата на Република Македонија при неразбирливо брзање, барем за мене не требаше толку да брзате, всушност сте ја помилувале Фатиме Фетаи од Гостивар. Верувам дека сте мислеле на мене, односно сугестиите Ви биле за мене, само што требало детално да Ви ги кажат моите лични податоци. Јас не сум од Гостивар, живеам во с.Боговиње – Тетовско и со целата оваа рашомонијада која ја направивте, Вие тотално го избришавте правниот систем во Република Македонија“, му напиша Фетаи на Иванов.