Поранешниот уставен судија и министер за правда, Исмаил Даришта, на денешната седница на Советот на јавни обвинители беше избран за обвинител во Јавното обвинителство на Република Македонија.
За прв човек на Вишото јавно обвинителство во Битола е именувана Мери Тромбева, а Билјана Стефчева е именувана за шефица на ОЈО во Радовиш.
Ханефи Амет од Вишото скопско обвинителство е избран за обвинител во Основно јавно обвинителство во Тетово.
На денешната седница на Советот избрани се и неколку в.д. шефови на обвинителства, кои ќе бидат вршители на должност во наредните неколку месеци,
За вршител на должност на Јавното обвинителство за гонење на организиран криминал е назначена Гордана Смаќоска, на Основното јавно обвинителство-Скопје е именуван Сашо Рајев, во ОЈО Куманово е избрана Теута Бедиу, во Гостивар Башким Исини, а прв човек на битолското Основно јавно обвинителство останува Антонио Јолевски.