Ешли Барти најави дека се наоѓа во добра форма на почетокот на 2019 година. Го покажа тоа со пласманот во четврт-финале на Австралiја опен, го потврди и во Мајами од каде заминува со прва Мастерс титула, вкупно четврта ВТА во кариерата по триумфот на Малезија опен во 2017 година и во Нотингем и во Жухаи во минатата година.

Во финалето на Флорида, младата тенисерка славеше над Каролина Плишкова со 7:6, 6:3 и од понеделник ќе биде првата Австралијка во топ 10 на светската ранг листа по Саманта Стосур во 2013 година.

За успехот во Мајами, Барти доби чек на 1,3 милиони долари и се реваншира на Плишкова за ланскиот пораз во четвртото коло на Ју-Ес опен. Чешката тенисерка, пак, која на Мастерсот во САД настапи како петта носителка, не успеа до 13 титула во кариерата или втора во 2019 година, откако во јануари го освои турнирот во Бризбејн.