Ураганот „Дориан“ синоќа је промени патеката на движење и наместо да удри во брегот на Флорида, како што се очекуваше, продолжи на север кон крајбрежјата на сојузните држави Џорџија и Јужна и Северна Каролина во кои, заедно со Флорида, е прогласена вонредна состојба.
Како што јави „Си-Би-Ес“, населението по крајбрежјето на Флорида деновиве почна со масовни подготовки за удар на ураганот, со пополнување на резервите на вода, на храна и на гориво, а на некои плажи на Атлантскиот Океан се полнеа вреќи со песок за заштита од поплави.
Иако се очекуваше ветрот да удри со брзина од преку 180 киломери на час, ураганот, сепак, не го зафати јужниот полуостров, туку го промени правецот кон источниот брег на САД.
„Дориан“ се очекува да биде од втора или трета категорија во Јужна и Северна Каролина најрано в понеделник навечер. Ураганот моментно беснее на Бахамите повеќе од 30 часа со силина од четврта категорија, а локалните власти упатија апел до населението за евакуација од загрозените острови.
„Куќите и објектите можат да бидат заменети, но животите не“, изјави премиерот на Бахами, Хуберт Минис.
Во меѓувреме, и населението на Флорида е на готовс. Гувернерот на американската сојузна држава, Рон Десантис, ја нагласи потребата од будност „бидејќи ураганот може уште еднаш да ја промени патеката и да предизвика опасни поплави без да удри во државата“.