Веднаш по средбата со еврокомесарот Јоханес Хан, специјалната јавна обвинителка Катица Јанева пред медиумите кратко информираше дека со него разговарале за предизвиците со кои се соочува СЈО во својата работа.
Одговарајќи на новинарско прашање дали тема на разговор меѓу Хан и Јанева биле и формирањето на специјално судско одделение, како и можноста за укинување на СЈО, Јанева рече дека тие теми не биле отворени.
Во однос на измените кои таа ги бара за продолжување на рокот на обвинителството и измените во Законот заштита на сведоци, Јанева изрази надеж дека пред да се распушти Собрание пратениците ќе ги изгласаат овие закони.
Во моментот во седиштето на ЕУ делегацијата на средба со Хан е лидерот на ДПА Менду Тачи, а по него следува и состанок на еврокомесарот со лидерот на ДУИ, Али Ахмети.
Средбите на Хан со партиите СДСМ и ВМРО-ДПМНЕ се предвидени во седиштата на партиите, а по завршувањето на состаноците Јоханес Хас во 14:00 часот ќе одржи прес конференција.