Специјалната јавна обвинителка, Катица Јанева, денеска го повтори барањето дека тие не отстапуваат од барањето за притвор на сопственикот на телевизијата НОВА (која никако не е поврзана со сајтот НОВА ТВ), Сеад Кочан.
Кога се работи за криминал за каков што е осомничен Кочан, пракса е во државата да се бара притвор за лицето.
„Сакаме господинот Сеад Кочан да оди во притвор. Тоа е нашиот став. Ова сега е судска работа, ако не викнат ние ќе го повториме нашиот став, бидејќи е осомничен во нашиот случај“, изјави денеска Јанева.
Апелиониот суд ја оспори гаранцијата од 900 илајди евра што ја понуди Кочан, со образложение дека првостепеното решение со кое му е уважена, има нејаснотии во делот на понудените хипотеки, и доказите за основаноста на понудената гаранција.
Гранцијата што ја понудила одбраната се состои од хипотека на недвижениот имот на Телевизијата Нова, за што не била побарана согласност од управителот, уште еден недвижен имот и возило марка Мерцедес, за кое нема наведено ниту број на сообраќајната дозвола, ниту кој е сопственик.
Кочан е првоосомничен во предметот „ Труст“, во кој заедно со уште две фирми се товарат дека фалсификувале документи со кои добиле тендер од 17 милиони евра од ЕЛЕМ за ископ на јаглен и јаловина од рудникот Суводол.
Првата жена на СЈО, исто така информираше дека ќе поднесе уште најмалку 15 обвиненија до крајот на месецов, кога истекува крајниот рок на институцијата за поднесување на обвиненија.
Останатите предмети, кои се во порана фаза, засега нема да ги предаде на редовното обвинителство и покрај тоа што, барем во моментов, СЈО нема да биде во можност да ги преточи во обвиненија.