Поранешната министерка за внатрешни работи, Гордана Јанкулоска денеска не дојде на рочиштето за случајот „Тенк“ во кој е обвинета, а нејзините адвокати со Судот доставија лекарско уверение, во кое е наведено дека има „ризична бременост“.
Одбраната побара да сде одложи рочиштето, на што се спротивставија обвинителите на СЈО и побараа раздвојување на постапката за Јанкулоска.
Судијката Добрила Кацарска, која претседава со судечкиот совет за „Тенк“ даде пауза за да одлучи по барањето на СЈО.
Од истражниот затвор „Скопје“ во Шуто Оризари беше донесен да сведочи и поранешниот директор на Службата за општи и заеднички работи – СОЗР, Васе Доневски, кој беше притворен во март, годинава, во врска со друга истрага на Јавното обвинителство за гонење на организиран криминал и корупција за злоупотреба на службената положба и овластување.
Во случајот „Танк“, за набавката на луксузниот „мерцедес“ вреден 600 илјади евра, обвинети се поранешниот премиер Никола Груевски, поранешната министерката за внатрешни работи Гордана Јанкулоска и поранешниот помошник-министер во МВР Ѓоко Поповски.