Published: Friday, August 6, 2021 08:10
Јапонија денеска одбележува 76 години од атомскиот напад врз Хирошима на 6 август во 1945 година. Комеморацијата. сепак, е во сенка на одлуката на Меѓународниот олимписки комитет (ИОК) да не повика на минута молк за жртвите оваа година.
Преживеани лица, роднини и само мал број на странски лидери присуствуваа на утринската церемонија во Хирошима за да оддадат почит на жртвите и да повикаат на мир во светот. За време на пандемијата на коронавирус, јавноста е исклучена од церемонијата, како и во 2020 година, но може да ја следи преку интернет.
Учесниците, со маски на лицата и во црни костуми, во 8:15 часот (четврток 01:15 часот по средноевропско време), кога американска атомска бомба падна врз градот пред 76 години, со минута молчење им оддадоа чест на жртвите.
Преживеаните и градската власт во Хирошима неодамна му предложија на МОК да ги покани спортистите да се придружат во Токио за да оддадат почит на жртвите. Но, претседателот на МОК, Томас Бах не го прифати предлогот, истакнувајќи дека церемонијата на затворање на Олимписките игри во недела ќе биде можност за тоа.
Во бомбардирањето на Хирошима загинаа 140.000 луѓе од август до декември во 1945 година, а во бомбардирањето на Нагасаки на 9 август загинаа 74.000 луѓе. Јапонија капитулира на 15 август во 1945 година со што заврши Втората светска војна.