Шарунас Јасикевичиус на сликовит начин го објасни дебаклот на Жалгирис во Истанбул од тимот на Фенербахче во првиот меч од четвртфиналната серија во Евролига. Посликовито и да сакаше не можеше. Литванската кошаркарска легенда беше видно незадоволен од настапот на екипата од Каунас која загуби со 43:76.
„Имаме 48 часа да најдеме нешто меѓу нашите нозе“, истакна Јасикевичиус пред вториот меч со Фенербахче во петок.
Најдобар показател за очајноста на Жалгирис во Истанбул се 43. постигнати поени за 40 минути игра што најмалку на еден негов меч во овој век.
„Мора да преземеме одговорност. Особено јас. Суштината е физичкиот контакт што играчите не ја сфатија. Не успеавме да ја најдеме нивната слаба точка“, додаде Јасикевичиус.
Четвртфиналната серија во Евролигата се игра до три победи. Фенербахче води со 1:0, а по вториот меч во Истанбул во петок, екипите ќе се преселат во Каунас.