– Сѐ уште телата на изгорените патници се извлекуваат од автобусот, потоа следува идентификација на овие лица и најверојатно ќе треба биолошки  траги од роднини за ДНК анализа, за да се утврди идентитетот на починатите. Ние предлагаме тоа да се направи во Скопје  Скопје, на Институтот за судска медицина, изјави јавниот обвинител Љубомир Јовески пред посетата на преживеаните патници во софиската болница.

Причините за несреќата сѐ уште се утврдуваат но тие мора да се или од човечки или од технички фактор, изјави Јовески.

Во болницата во Софија се сместени повредените седум патници коишто ја преживеаја несреќата на македонскиот автобус во Бугарија во која загинаа 45 патници.

Русковска рече дека увидот сѐ уште трае, а дека, по првичните сознанија, се случил удар на автобусот во банкината на патот.

А  надлежните од бугарските истражни служби, по разговор со повредените  патници во болницата во Софија, изјавија:  

– Повредените сѐ уште се во шок и тешко беше да се комуницира со нив, само со двајца разговаравме за несреќата, изјавија бугарските истражни служби.