Првиот човек на Европската комисија (ЕК) Жан-Клод Јункер изјави дека сака го смени етичкиот код во неговата институција и го искара германскиот комесар Гинтер Отингер за јавно изречените навреди на сметка на Кинезите, Валонците и хомосексуалците.

Интервјуто е дадено за белгискиот франкофонски весник Ле Суар. Редакцијата прецизира дека тие не побарале интервју од Јункер и дека тој самиот понудил да им даде интервју што редакцијата го прифатила.

Изјавата доаѓа како одговор на бранот остри критики кои дојдоа од сите страни на ЕУ и од повеќе европски институции поради тоа што претходниот претседател на ЕК Хозе Мануел Баросо најави дека ќе работи во банката Голдман Сакс, банка која во голем дел е виновна за финансиката криза.

Во интервјуто Јункер посакува измена на овој етички код. Според кој претседателот на ЕК мора да чека 18 месеци по крајот на функцијата за да може да работи во приватниот сектор.

Етичкиот комитет на ЕК пред извесно време го кажа својот став за новото работно место на Баросо и соопшти дека правните норми во овој случај не се прекршени но дека одлуката на Португалецот Баросо не е соодветна.

Јункер, порача дека овој период од 18 месеци би требало да трае 3 години а комесарите во тој период треба да побараат дозвола од Комисијата доколку сакаат да преминат во приватниот сектор. Екс комесарите во текот на 18 месеци имаат апанажа која им дозволува да живеат.

Баросо беше претседател на ЕК во два мандати, од 2004 година до 2014 година.

Во истото интервју Јункер жали поради зборовите на Отингер изречени на една вечера на бизнисмени во Хамбург. Но уверен е дека Германецот не го мисли тоа што го кажал. Отингер пред два дена се извини за говорот и рече дека има огромна почит кон Кинезите, белгискиот регион Валонија или хомосексуалците.

“Еден комесар не можа така да зборува. Му реков да се извини кај сите оние кои се почувствуваа навредени од неговите зборови”, вели Јункер. И додава дека во своите јавни говори комесарите мораат да се држат до областа на која работат и “да не им даваат слободен тек на сите нивни случајни инспирации”.

Отингер во својот говор, зборувајќи за Кина тој ги нарекол Кинезите «косооките». Кинеските министри за Отингер се сите «зачешлани од лево на десно со црн ималин. За Валонија рекол дека тоа е “регион што го водат комунисти кои ја блокираат цела Европа”. Валонија одби да го потпише договорот за слободна размена со Канада се додека во договорот не беа вметнати валонските барања. За хомосексуалниот брак рекол дека станува збор за “наметнат” брак.