Претседателот на Европската комисија, Жан-Клод Јункер порача дека на ирската граница ќе бидат воспоставени гранични контроли доколку Велика Британија излезе од Европската Унија без договор. Тој за „Скај њуз“ ја образложи најавата дека Унијата мора да „обезбеди зачувување на нејзините интереси и внатрешниот пазар“.
Јункер напомена дека без граница по Брегзит, животните кои влегуваат во Северна Ирска потоа ќе може да влезат во ЕУ преку Ирска без никаква контрола и според него, тоа нема да се случи.
„Мораме да го чуваме здравјето и безбедноста на нашите граѓани“, нагласи Јункер.
Велика Британија треба да излезе од ЕУ на 31 октомври.