Валонија, франкофонскиот белгиски регион, ја спречи целата Европска унија да потпише договор за соработка со Канада, ЦЕТА договор за слободна економија и трговија и предизвика солзи кај канадската министерка за трговија Кристиа Фриланд.
Таа беше дојдена во Брисел да преговара со претседателот на регионот Валонија Пол Мањет откако валонскиот парламент, пред неколку дена, се спротивстави на потпишување на овој договор. Според европските правила, ниту еден договор со трета земја не може да биде потпишан доколку една земја го отфрли. А Белгија не може да го стави својот потпис доколку нејзините три региони не ја дадат својата согласност.
Претседателот на регионот Валонија Пол Мањет
Валонскиот парламент одлучи да го послуша гласот на граѓаните на овој регион коi преку протести ставија на знаење дека овој договор за слободна трговија не е добар за нив, нивната економија.
Оваа блокада најавува тешки и непредвидливи денови за договорот ТТИП за слободна трговија со САД. Граѓанските организации и синдикатите од повеќе земји членки на ЕУ веќе успеаа да ги натераат Вашингтон и Европската комисија да внесат промени во нацрт договорот. Протестите против ТТИП продолжуваат.
Европски протести против договорите со Канада и САД.
Неуспехот на преговорите ја расплака канадската министерка.
Во својата изјава по преговорите Фриланд со солзи изјави дека е тажна:
“Во текот на последните месеци тешко работевме заедно со Европската комисија и многу земји членки на ЕУ. Но на Канада и е јасно дека ЕУ сега не е способна да има меѓународен договор, дури ни со земја која има европски вредности, дури ни со така добра земја како Канада која има многи трпение”, рече таа со растрепен глас.
Кристиа Фриланд, канадска министерка за трговија по неуспехот
Така, потпишувањето на договорот, предвидено за 27 октомври, нема да може да се одржи и зависи од зеленото светло на Валонија.
Притисоците врз Валонија, кои дојдоа од сите страни на ЕУ, немаа влијание врз валонскиот став. Овој мал и храбар белгиски регион бара повеќе гаранции за своите земјоделци против големите мултинационални фирми.
Валонија стравува дека со ЦЕТА договорот во земјата ќе влезат генетски модифицирана храна или говедско и пилешко со хормони но бара и јасна “клаузула за човекови права и траен развој во тендерите”.
Стриповите за Астерикс и Обеликс почнуваа со следната реченица:“Цела Галија е окупирана од Римјаните…. Цела? Не! Едно мало село на бестрашни Гали му се спротивставува на освојувачот.”
Договорот им дава право на мултинационалните фирми кои инвестираат во странска земја да поднесат тужба против една држава која води политика која не им одговара на интересите на фирмите. Според договорот, за овие спорови би биле задолжени посебни судови со 15 судии именувани од ЕУ и Канада и сите процеси би биле јавни.
Накусо, еден мал регион им се спротивстави на големите и ќе ги блокира се додека не се исполнат неговите услови.
Како во стриповите за Астерикс и Обеликс кои почнуваа со следната реченица:“Цела Галија е окупирана од Римјаните…. Цела? Не! Едно мало село на бестрашни Гали се уште му се спротивставува на освојувачот.”