Канадската полиција го испитува осомничениот возач на изнајменото комбе кој вчера прегази пешаци во северниот дел на Торонто, при што загинаа 10 лица, а 15 се повредени.
25 годишниот Алек Минасијан, денеска треба да се појави пред судот. Како што соопшти полицијата тој претходно не им бил познат на властите како престапник, но според очевидци целиот напад изгледал дека е изведен намерно да предизвика жртви.
Како се случил нападот
Полицијата соопшти дека белото комбе што било изнајмено влетало во пешачката зона околу 13:30 по локално време (18:30 средно европско време).
Според очевидци, комбето удирало се што му се нашло на патот – луѓе, хидранти, поштенски сандачиња.
-Бев сведок на најмалку шест, седум луѓе кои беа удирани и летаа во воздух, изјави очевидец за Би-Би-Си.
Што е досега познато за осомничениот
Многу малку детали засега се објавени за осомничениот за нападот.
Полицијата соопшти дека Алек Минасијан бил од северниот дел на Торонто, од предградието Ричмонд Хил.
Шефот на полицијата на Торонто, Марк Саундерс, изјави на прес-конференција дека тој претходно не им бил познат на властите.
-Сето тоа дефинитивно изгледаше со намера, изјави тој, додавајќи дека е премногу рано во истрагата да се каже дали инцидентот бил поврзан со тероризам. Не исклучуваме ништо. Она што треба да го направиме е да го следиме она што го имаме, бидејќи истрагата е во многу рана фаза, рече тој.
Канадскиот министер за јавна безбедност, Ралф Гудејл, рече дека “нема никаква поврзаност со националната безбедносност”.
Канадската телевизија Си Би Ес, објави дека Минасијан не бил поврзан со ниту една позната терористичка група.
Компанијата за изнајмување на камиони Рајдер систем АД потврди дека е возилото од инциентот е нејзина сопственост и најави соработка со властите.
Нападот се случи, додека министрите за надворешни работи на водечките индустриски земји-Г7 – Канада, САД, Велика Британија, Франција, Германија, Италија и Јапонија – разговараа во Торонто.
Канадскиот министер за надворешни работи, Христија Фриленд, изјави дека состаноците на Г-7 ќе продолжат во вторник, според планираното.
Градоначалникот Џон Тори ги повика жителите да останат смирени.
-Овој трагичен инцидент не е пример за тоа како живееме или кои сме ние, ниту за тоа каков е секојдневниот живот во градот, рече тој.