Поранешниот вицепремиер, Красимир Каракачанов на социјалната мрежа „Фејсбук“ реагираше на ставот на лидерот на партијата „Демократска Бугарија“, Христо Иванов, кој при обраќањето во Народното Собрание денеска кажа дека треба да се најде решение за проблемот со Република Северна Македонија. Каракачанов на него му порача да молчи кога е во прашање Македонија.
– Националниот интерес на Бугарија е едноставен. Тој е Македонија да ја знае и запомни бугарската основа. Ова е историска вистина и им дава слобода на луѓето во Македонија, кои сакаат да живеат со вистината, а не со лага наречена „македонизам“. Каков друг интерес може да има освен вистината и правдата? Наш национален интерес е во ЕУ да влезе пријателска, а не антибугарска Македонија. Затоа Христо Иванов треба да биде љубезен и да молчи за Македонија. Ова што го кажа денеска може да биде секаков, но не бугарски интерес, напиша Каракачанов на фејсбук.
Денеска новиот бугарски парламент одржа конститутивна седница, на која пратеничката Ивана Митева од „Има таков народ“ беше избрана за претседателка.
Ива Митева избрана за претседател на Народното собрание на Бугарија