Станува збор за матуранти кои во средината на месецот беа во грчките одморалишта, главно на островот Крф. Меѓу нив, 42 позитивни за коронавирус веќе се потврдени, а 10-дневен карантин е одреден за повеќе од 600 лица , вклучително и контактите кои ги имале во Словенија.
Словенечките здравствени власти повторно предупредија на ризикот од патување во епидемиолошки црвени дестинации во Европа, откако биле откриени нови инфекции со ковид-19 кај повеќе од 600 млади и нивните придружници кои биле на екскурзија во Грција.
– Станува збор за матуранти кои во средината на месецот беа во грчките одморалишта, главно на островот Крф. Меѓу нив, 42 позитивни за коронавирус веќе се потврдени, а 10-дневен карантин е одреден за повеќе од 600 лица , вклучително и контактите кои ги имале во Словенија. Очекуваме сите организатори на вакви екскурзии да се вразумат и конечно да разберат дека земјите од црвената листа се опасни -изјави Милан Крек, директор на Националниот институт за јавно здравје (НИЈЗ).
Се очекува од туристичките агенции со организацијата на ваквите патувања да не ја загрозат епидемиолошката состојба во Словенија. Во последните 24 часа биле потврдени 116 нови случаи на инфекција, а еден болен пациент починал. Расте и бројот на хоспитализирани, од кои сега има 75, од нив 18 на одделенија за интензивна нега, а 14-дневната инциденца на инфекцијата на сто илјади жители се зголемила на 166.
Со ова, Словенија наскоро ќе се најде на црвената епидемиолошка листа според критериумите на Европскиот центар за контрола на болести, објавија словенечките медиуми.