Зоран Кардула, на покана од „Божиновски часовници и накит“, го изработи првиот локализиран дизајн на Своч (Swatch) часовникот на кирилица – Дениција. Познатиот уметник и графички дизајнер во изјава за Фронтлајн вели дека мотивот е во негов препознатлив стил, односно лик на жена како инспирација од македонската поезија.
„За некој ден и официјално ќе биде промоцијата на часовникот кој излегува по повод 30 години од самостојноста на нашата држава и 30 часовници ќе бидат понудени на аукција. Мотивот овој пат е Дениција како инспирација од македонската поезија. Ликот е впечатлив, силна, борбена жена облечено во црвено во позадина има мотиви во златен колорит, бои кои дискретно потсетуваат на нашите национални. Се надевам дека проектот „Своч на кирилица“ ќе продолжи и натаму и дека други наши уметници ќе имаат можност да учествуваат на истиот, изјави Кардула за Фронтлајн.
Игор Божиновски во интервју за Иновативност истакнува дека идејата произлегла уште на крајот од минатата година спојувајќи ги преку еден креативен процес тимот на „Божиновски часовници и накит“ и новите технолошки можности на Swatch и јубилејната 202 година во која славиме 30 години од независноста на Македонија. Тој нагласува дека триесетте часовници ќе имаат колекционерска вредност, што на часовникот, покрај јубилејната вредност и историскиот момент му додава и исклучителна реткост.
„Успеавме да излеземе со јубилејниот часовник кој го нарековме –Дениција и решивме да го издадеме во ограничен број од само 30 нумерирани парчиња кои имаат колекционерска вредност, што на часовникот, покрај јубилејната вредност и историскиот момент му додаваме и исклучителна реткост.“, вели Божиновски во интервјуто за Иновативност.
Од „Божиновски часовници и накит“ потенцираат дека собраните средства ќе бидат донирани по избор на авторот кој покрај како дизајнер е познат и по својата хуманост.