Повеќе од 250 луѓе загинаа, а голем број згради се урнати во разорниот земјотрес што го погоди Мексико, соопшти мексиканската Влада.
Во едно училиште кое се урнало загинале 20 деца, а по 30 се трага. Стравувањата се дека бројот на жртвите ќе биде многу поголем, бидејќи голем број луѓе се заробени под урнатините.
Земјотресот со јачина од 7,1 степен предизвика огромна материјална штета.
Епицентарот бил во централниот дел на Мексико, во државата Пуебла, а потресот во целосно урнал 27 згради во главниот град Мексико сити. На уште 44 локации зградите се сериозни оштетени, изјави градоначалникот.
По земјотресот настана и експлозија во една од зградите во Мексико Сити.
Претседателот Енрико Пења Ниерто соопшти дека околу два милиони луѓе се без струја, а прикинати се и телефонските врски во главниот град.
Ова е втор земјотрес што овој месец ја погоди земјата, кога загинаа 90 луѓе.
Земјотресот се случи кратко откако голем број граѓани учествуваа во вежба за реакција при земјотрес.
Овој земјотрес се случи на истиот ден кога пред 32 години Мексико беше погоедно од многу посилен земјотрес во кој загинаа 10.000 илјади луѓе, а 30.000 луѓе останаа без покрив над главата.