Премиерот Димитар Ковачевски, во придружба на ќерката Тамара Ковачевска и делегацијата на Владата на Република Македонија, којашто е во дводневна посета во Рим и Ватикан во рамките на традиционалните свечености во чест на 24 Мај – Денот на сесловенските просветители Светите браќа Кирил и Методиј, денеска беше примена од неговата светост Папата Франциск.

Ќерката на премиерот носеше креација од модниот бренд „Кокев“, објави на својот фејсбук профил сопственичката и модна дизајнерка Тања Кокев. Се работи за модел од Пустинска роза 2022 година од најновата колекција. Оваа креација има и црн тул со крупни точки како додаток за да бидат покриени рацете оти е кај папата.

Oсновниот дрес код за посета кај папата е дека и мажите и жените треба да ги покријат колената и надлактиците. Се забранува носење шорцеви или здолништа над колената, блузи без ракави и деколтирани кошули.

Мажите мора да ја симнат капата пред да влезат, додека жените можат да продолжат да ја носат својата капа.