Светски познатиот актер Кијану Ривс не се однесувал како филмска дива кога бил принуден да ги пропушти првите 20 минути од својата забава за новиот филм „Божја ќерка“. Тој останал да чека во редицата пред клубот Леонора во Челзи, Њујорк, на пороен дожд.
Неговиот возач на Рони Саншајн сподели: „Кијану навистина трпеливо чекаше. Мислам дека не му кажа ништо на обезбедувањето на врата , во стилот „Јас сум Кијану“. Никој не го препозна.“
„Кијану изгледа многу обично. Врнеше, но тој само чекаше да дојдат неговите двајца пријатели.Не се однесуваше како да има пари. Мислев дека е некој рокер“, изјавиле од обезбедувањето на клубот.
Сопственикот на клубот му се извинил, иако филмската ѕвезда не му кажала дека нешто се случило.
Сопственикот на клубот за весникот „Њујорк пост“ изјави: „Не знаев дека го чекаат и не ми кажа ништо.Тој е многу опуштена личност“.
Откако влегол внатре , извор открива како љубезниот актер пронашол нечија кредитна картичка на подот и продолжил да кон пултот на диџејот да ја пријави со надеж дека ќе го најде нејзиниот сопственик.
Оваа необична случка на својот фејсбук профилм ја сподели страницата „Let`s Spread the Kindness“, потсетувајќи на неговата едноставност, скромност, правдност и љубезноста со која живее светски познатиот актер, филмски режисер и продуцент Кијану Ривс.
„Патува со јавен превоз, лесно комуницира со бездомниците на улица и им помага, има само 56 години (02.09.1964), може само да јаде хот-дог во парк, седејќи меѓу обични луѓе. По снимањето на еден од „Матрикс“, на сите каскадери им подари нов мотор – како признание за нивната вештина. Се откажа од најголемиот дел од хонорарот за платите на костимографите и информатичарите кои цртаат специјални ефекти во „Матрикс“ – одлучи дека нивниот удел во учеството во буџетот на филмот е потценет. Го намали својот хонорар во филмот „Адвокатот на ѓаволот“ за да има доволно пари да го покани Ал Пачино.“
Овој пост, потсетува и дека речиси во исто време почина неговиот најдобар пријател; неговата девојка изгубила дете и набрзо загинала во сообраќајна несреќа, а неговата сестра се разболела од леукемија. Киану не се скрши: донираше 5 милиони долари на клиниката што ја лекуваше неговата сестра, одби да снима (да биде со неа) и ја создаде Фондацијата за леукемија, донирајќи значителни суми од секој хонорар за филмот.
„Можеш да се родиш маж, но треба и тоа да останеш..“, пишува во објавата „Let`s Spread the Kindness“.