Централната банка на Кина ги прогласи сите трансакции со криптовалути за нелегални и истите ќе бидат забранети. Земјата со тоа испраќа досега најсилен сигнал за својата решителност да ја урне индустријата.
Сите криптовалути, вклучително и со биткоин и со етер, двете најголеми, се нелегални и не можат да се дистрибуираат на пазарот“, соопшти Банката на својата интернет страница.
Сите крипто-трансакции, вклучително и услугите што ги обезбедуваат преку офшор размена на локалните жители, се нелегални финансиски активности, се вели во соопштението.
Оваа најнова директива на Кина ја урна вредноста на биткоинот за 4,4 отсто на 41.889 долари заклучно со денеска попладне, според платформата Коиндеск. Ова се случува во позадина на сè позагрижените светски пазари поради должничката криза поврзана со претприемачот China Evergrande Group.
Кина го продолжи притисокот врз тргувањето со криптовалути во вториот квартал, во услови на пилот тестирање на дигиталниот јуан.