Марио Балотели отвори душа за италијанските медиуми и со јавноста сподели несекојдневен детаљ од договорот со Ливерпул. Во него била содржана, како што и самиот вели, луда клаузула.
„Во договорот стоеше дека ќе добијам два милиона фунти на крај на сезоната ако во неа не добијам повеќе од два црвени картона. Доста луда клаузула. Штета што не дознав дали ќе ја освоев сумата“, коментира италијанскиот напаѓач.
Темпераментниот Италијанец, на општо изненадување, ова лето го напушти Ливерпул и ја прифати понудата на Ница. Се пресели во Франција и од ова перспектива се гледа не згреши ниту тој ниту клубот со неговиот ангажман. Балотели e на добар пат за враќање во старата форма и досега во сезоната има постигнато шест гола.
На „Енфилд“ замина во 2014 година меѓутоа не успеа да остави длабока трага во дресот на „црвените“. Беше позајмен во Милан и по завршување на сезоната му беше порачано дека не е во плановите на Јирген Клоп. Доби дозвола за промена на средината и повлече вистински потег. Се чини дека Азурниот брег совршено му одговара засега и од аспект на клубот и од аспект на фудбалот што се игра во Лига 1.