Коалицијата за ПРОМЕНИ И ПРАВДА смета дека крајно време е да се стави крај на политичката криза и да се нормализираат состојбите, се со цел да се создадат услови за владеење на правото и правдата.
– Целокупниот државен апарат вклучително и судовите се ставени во функција на заштита на државно политичкиот врв. Реформи не се спроведуваат и не се работи на создавање основни предуслови за одржување на фер и слободни избори. Најавите за немири од страна на власта, држењето во неизвесност и нападите на СЈО, како и силната манипулативна провладина медиумска кампања, покажува во каков кошмар е Република Македонија, смета Коалицијата.
Тие бараат итен договор за излез од кризата и формирање на Реформска – експертска Влада, а воедно ги повикуваат граѓаните на масовни и мирни протести, за да се забрзаат позитивните процеси за излез од кризата и да ја поддршка за работата на СЈО без провокации и насилство.