Надлежните институции затаиле во случајот со малолетното девојче кое било неколкупати сексуално злопотребено – одговорните лица не покажале интерес да утврдат зошто девојчето често го напуштало домот и каде одела, констатираше Народниот правобранител.
,,Кога државата ја презема одговорноста за грижа и заштита на дете сместувајќи го во установа од ваков тип потребно е во континуитет да се преземаат мерки за заштита на правата на детето и превенција од секаков вид на злоупотреба, занемарување или малтретирање, вклучувајќи и сексуална експолатација, а на што впрочем упатува и член 19 од Конвенцијата за правата на детето,“ констатира Правобранителот.
По разговор со девојчето и одговорните лица во јавните установи за згрижување на деца со воспитно – социјални проблеми и нарушено поведение (25 Мај и Ранка Милановиќ), Народниот правобранител бара од МВР и Основното јавно обвинителство без одлагање да ги преземат сите со закон утврдени дејствија за откривање и санкционирање на злоупотребата на детето И.Р ., а Министерството за труд и социјална политика најитно да преземе дејствија за целосно испитување на одговорноста на назначениот старател.
Европскиот центар за правата на Ромите вчера обелодени шокантен случај на 13 годипно ромско девојче кое како што тврдат било изложена на сексуално злоставување како штитеничка на државната институција за згрижување деца „25 Мај“ во Скопје.
МВР соопшти дека девојчето штитеник на ЈУ за згрижување на деца со воспитно-социјални проблеми, од крајот на 2016 и во текот на 2017 година и 2018 година девет пати било пријавувано за исчезнато лице од страна на вработени во социјално-згрижувачките установи, при што во сите девет случаи.
Во документираните случаи, МВР разговарале со лица инволвирани во незаконски дејствија од областа на кривични дела против половата слобода, за што се направени детални известувања доставени во надлежното ОЈО за натамошно постапување.
МТСП тврди дека за посочената малолетничка имало посебна грижа, но тоа не дало никакви резултати.
Секој пат кога девојчето го снемувало од Домот, старателот пријавувал во МВР.
Оттаму неколку пати побегнало и било во различни градови. И нејзините искази пред полицијата, според МТСП, се проблематични во напорите да ја заштитат бидејќи прво тврдела дека била заљубена, а потоа и дека била експлоатирана, нелегално да работи како сексуална работничка.
Од Министерството негираат дека таа била жртва и на социјален работник.