Со голот на Љупче Дориев во третата минута од судиското надополнување, Академија Пандев славеше над Македонија Ѓ.П. со 2:1 во мечот од првото коло во новата сезона во македонската Прва фудбалска лига. Првиот гол за „академците“ беше дело на Ѓорѓи Стоилов во 39. минута, единствениот за ѓорчепетровци го постигна Дејан Тантуровски во 49. минута.
Со пораз во новата сезона влезе и Беласица, екипа која по долги години се врати во прволигашката конкуренција. Победа „Под Тумбе кафе“ беше подобра од струмичани со 1:0 со погодокот на Американецот со нигериско потекло, Киријан Чиназорн во 70. минута.
Силекс и Шкупи го одиграа единствениот меч без победник (1:1) од трите во неделната програма. За кратовци погоди Камерунецот Парфаит Есенге во 34. минута, стрелец за чаирчани беше Баже Илијоски во 70. минута. Израмнувачкиот гол на гостите дојде по 11 минути од исклучувањето на Ермедин Адем.
Новата фудбалска сезона (27) во Македонија почна вчера попладне. Шкендија и Вардар, во дербито во Тетово, ги поделија бодовите (2:2). За шампионот, кој го очекува и реванш со Салцбург во квалификациите за ЛШ, реализираа Бесарт Ибраими во 54. минута и Бесмир Бојку во 73. минута, за радост на скопските „црвено-црни“ се погрижија Тигран Барсегјан во петтата минута и Горан Попов во 80. минута. Домашните од 63. минута играа со човек помалку на теренот поради црвениот картон на Арменд Алими.
Најефикасниот меч во првото коло го одиграа Работнички и Ренова на „Филип Втори“ арена. Конечни 4:3 за гостите од Џепчиште. Противничката мрежа двапати ја „тресеше“ Влатко Стојановски во 48. минута и во 68. минута, по еднаш Даниел Божиновски го совладаа Албан Сулејмани во четвртата минута и Фатон Јусуфи во 11. минута.
Петар Петковски во 23. минута, Остоја Стјепановиќ во 55. минута од пенал и Александар Ристовски (автогол) во 86. минута погодија за Работнички.
Прва лига, 1 коло
Академија Пандев – Македонија Ѓ.П. 2:1
Победа – Беласица 1:0
Силекс – Шкупи 1:1
Шкендија – Вардар 2:2
Работнички – Ренова 3:4
Идно коло: Работнички – Силекс, Беласица – Академија Пандев, Македонија Ѓ.П. – Шкендија, Ренова – Вардар, Шкупи – Победа.