Фудбалската репрезентација на Чиле во голем стил почна со одбрана на титулата на Копа Америка 2019 што се одржува во Бразил. Победникот на претходните две изданија на турнирот, во првото коло ја декласира подмладената селекција на Јапонија со 4:0 (1:0) чии играчи прописно се изнапромашуваа против фаворитот.
Серијата голови на стадионот „Морумби“ во Сао Паоло ја отвори Ерик Пулгар во 41. минута, двоен стрелец беше Едуардо Варгас во 54. минута и во 83. минута, во меѓувреме (82. минута) реализира и Алексис Санчез.
https://www.youtube.com/watch?v=lilUnjFW8-U
Со двата гола против Јапонците, офанзивниот играч на мексикански Тигрес стана најдобар чилеански стрелец на Копа Америка, турнир на кој постигна 12 во досегашната кариера. Во истовреме го надмина и Марсело Салас и се проби на второто место на вечната листа на стрелци во историјата на „Ла Риоха“ чиј прв голгетер и натаму е Санчез кој имаше кошмарна сезона во Манчестер јунајтед.
Вечерва почнува второто коло на Копа Америка. Пола час пред полноќ ќе играат Боливија – Перу, а за 02.30 часот е закажан и дуелот меѓу Бразил и Венецуела.
Досегашни резултати на Копа Америка 2019
Група А, 1 коло
Бразил – Боливија 3:0
Венецуела – Перу 0:0
Група Б, 1 коло
Аргентина – Колумбија 0:2
Парагвај – Катар 2:2
Група Ц, 1 коло
Уругвај – Еквадор 4:0
Јапонија – Чиле 0:4