Косово денес одржува вонредни парламентарни избори по четврти пат во 2025 година, со 24 политички субјекти и над 2 милиони гласачи.
Овие избори ги одбележа една од најкратките изборни кампањи, која траеше само 11 дена и заврши утрово во 6:59 часот.
Вкупно 2.076.290 граѓани имаат право на глас. 1.999.205 гласачи се регистрирани да гласаат на територијата на Косово, а 77.085 граѓани се регистрирани за гласање од странство
На изборите учествуваат: 18 политички партии, 3 коалиции, 2 граѓански иницијативи и еден независен кандидат.
За 120 пратенички места во Собранието на Косово се натпреваруваат 1.180 кандидати.
Ова се вторите парламентарни избори годинава, а четврти по ред по парламентарните избори на 9. февруари и локалните на 12 октомври и 9. ноември
Новите избори беа распишани затоа што движењето „Самоопределување“, иако освои најмногу пратенички места, не успеа да формира влада. Собранието на Косово беше конституирано дури по 57 обиди.